A Little Sad Baby Girl Heart Voice(So Sad....) :((

This Poem Made My Cry.......

* Baba Mujhko Darr Lagta Hai *

Baba! Meri Miss ne Kaha Hai,
Kal Se Sab School K Bachay
Ghar Main Rahen Gay, Ghar Main Parhengy!

Maine Suna hai!

Ek Barrey Se,
Kaali Moochon walay Uncle
BOMB baandh ker Aengay
Sabh bachey Mer Jaengay!

Bhool Gai Mai Naam bhala tha!
Shayad Dehshat-Gard Kaha tha!

Baba! Kyo Marengay Humko?
Humse koi Bhool hui kia ?
Humse kyo Naraz hen Uncle ?

Baba! Unko Guriya Day Dun?
Ya phir Meri Rangu wali
Yaad hai na woh Neeli Dibya
Meri Pichli Saalgirah per
Aapne Mujhko La Ker di thi!

Or Meri woh Piyari Poni!
Red Color ki, Titli wali!
Woh Bhi Day don?
Phir to Nahi Marein gay mujhko?

Yaad hai Baba ek Dafa jab
Mujhko Haath Pe Chot Lagi Thi
Bohat zayada dard hua tha
Thora Khon Bhi nikla tha!
Bohat Zayada Roi Thi Main .

Kya Yeh BOMB Barra hota hai?
Bohat Ziyada Chot lagay gi ?
Dard Bhi shayad Ziyada Hoga!

Baba Mujhko Darr Lagta Hai.